IN search of

話說我個人懶於行街shopping，就算去第二度都好少會買手信返來，所以亦因此我好多年都無送聖誕禮物喇。不過今年基於某些原因底下（可能係人老左啦…咩都賴人老左，哈哈。），無啦啦買左一堆小禮物送比一堆朋友仔。甘耐無送過禮物，突然間送返呢，發覺原來送禮物係好好玩架。尤其當份禮物唔係夾硬求求其其買，而係因為你見到個東西令你諗起某人，所以為左留住個一刻思念的浪漫，先買黎送比佢；跟住到真係將份禮物送到佢手上，見到佢拆開跟住面上流露個份喜悅….呢個好似先係送禮物真正意義。

係喇，所以呢，前陣子，於某處，比我碰到“佢”。一見到“佢”，興奮莫名，腦海中立刻浮現我個至愛朋友仔麥欣欣。如果大家有用心留意我地呢兩年做geh野，就會發現無時無刻都會出現關於呢個經典卡通片geh種種。有時人與人之間就係甘有趣，唔知點解，有一d野就係能夠同時觸動你同另一人geh心靈，身邊其他人睇落無咩感覺geh事情，竟然可以令兩個朋友仔心跳加速感動萬分。


保衛城堡的機器人，以後靠你幫我保護麥欣欣喇！
好愛好愛佢手上的花兒，而且佢重係一個音樂盒黎,識得發聲唱出laputa…實在太太太太太完美喇！！！！我都買左一個比自己。算係我地個定（友）情信物，hehehe。

好慶幸身邊有好幾個呢個level的好好好朋友，慶幸我有麥欣欣。LAPUtA係我地一個共同信念，路途還遙遠得很。響未達到之前，先將“佢”帶返黎，送給摯友。望能夠成為小小力量補給所。


你地睇佢個樣，係咪開心過攞獎先，哈哈！
人生有個真正朋友的確好極，飲勝！！！！！

p.s.尤其呢個朋友肯時時刻刻同你一起亂甘浪漫一翻。更好極！！！！

p.p.s 附送一個laputa youtube video，每次聽到睇到都會有goosebumps，未睇過geh朋友點都要睇返一次！